انا و اللقاء و ابنتى
لن اتكلم عن شخصيات هذا اللقاء و لكنى سأنقل لكم حديث دار بينى و بين ابنتى و انطباعاتنا الخاصه عن هذا اللقاء .. والتى لاحظت ظهور تأثيرها على كتابات الاخوه ايضا .. و سأنقل لكم الحديث كما دار على لسان كل منا
فى البدايه بدأت المقابله بفرحه غامره.. نتجمع واحد تلو الاخر و الفرحه تعانق اللهفه للوصول الى اكبر تجمع لنا .. حتى وصلنا الى الامريكين و إذا بشعور غريب يتملكنى .. قبضه غريبه لم اعرف مصدرها .. نظرت الى علياء فوجدت الفرحه تنطفئ فى عينيها .. لم اتكلم ..و حاولت ان اتواصل مع الاخرين ولا اظهر تلك المشاعر الدخيله ..
ووجدت نفسى انشغل بالوجوه اتفرسها لأقرأ انطباعاتهم وجدت علامات ما بين الفرحه و الوجوم .. وجدتهم ليسوا كما كانوا و كأن طائر من طيور الملل سكن بين ارجاء المكان و تسلل للبعض هذا الشعور الغريب... كان يقطع هذا الملل اتصالات الاخوه الذين لم يحضروا اللقاء ورسائلهم و من آن لأخر كانت اقتراحات مادز و روحه الوثابه و لباقته المعهوده و ابتكاراته الغير مسبوقه فى التدوين تقطع السكون .. ثم جاءت قصائد محمد ابو شوشه التى جعلت اركان المكان تهتز من جمال الكلمات و الالقاء حتى ان الـ waiter شاركنا التصفيق بعد انتهاء إلقاء القصائد ..
و عند العوده دار بينى و بين علياء حوار حول ذلك اليوم الذى احترنا فى تصنيفه هل نحسبه من الايام اللطيفه ام ننساه كله ام ننسى جزءأ منه .. و سألتها عن انطباعها عن هذا اللقاء
فقالت : مش عارفه بصراحه , بس قبل ما نوصل الامريكين كنت متخيله ان الاجتماع ده هيكون حاجه حامده جدا و اجمد كمان من اجتماع القاهره و الاسكندريه بحكم العدد الاكبر و الشخصيات المتعدده , بس بعد ما دخلت الامريكين مات اى تخيل كان فى دماغى بس بردو قلت اكيد الاحساس اللى جوايا ده منى انا , و حاولت اتصرف عادى كأن لم يمت تخيلى اللذيذ عن الاجتماع , و بالرغم من انى كنت بحاول اصطنع ان كل الشعور المسيطر عليا هو الفرحه بالاجتماع , لكنه ظهر عليا ما كنت احاول اخفاؤه و اكتر من حد سألنى مالك انتى متغيره انهارده !
فقلت لها : و ماذا فى رأيك جعل اللقاء بهذا الشكل رغم اننا ظللنا نحلم بهذا اللقاء و نرسم له توقعات و نأمل بأن نقضى يوماً جميلا مع الاخوه الكرام ؟
نظرت لى و لم ترد.. و ساد الصمت لحظات ..ثم وجدتها تنطق لتقول : الجو اللى كان منتشر فى الاجتماع ده مش زى اللى قبله خالص , و كنت مفتقده الروح اللى خليتنى اغير مسار حياتى و اكون مدونه
ثم انتبهت الى اننا نسينا ان اللقاء كان فيه نواحى جميله ايضا لانى بطبعى انظر دائما الى الجانب المشرق فى كل شيئ فى حياتى
و قلت لها :لن ننسى اننا رأينا كل الاخوه و من لهم منزله طيبه فى نفوسنا .
قالت: عندك حق , و ده اللى خلانى اكمل كلامى معاهم عادى , بس عارفه اجمل حاجه فى الاجتماع ده انى قابلت ناس حبيتهم اوى , و اصعب حاجه فيه انهم يكونوا معايا و معرفش استمتع بالوقت اللى قضيته معاهم .
قلت لها : طيب ايه اجمل حاجه كانت فى اللقاء ده بس اختارى حاجه واحده بس ؟
فقالت : ههههههه يا سلام ! طيب اوكى .. انا هعترف .. أجمل حاجه هي اننا كنا مع بعض يا قمرى
بس هو العامل النفسى كان عندى و عندك فى وقت واحد ولا ايه؟
فقالت : ههههههه الكلام ده للنشر طيب ؟! عموما حتى لو اتنشر ما انتى اللى عودتينى على الصراحه , المهم : بصراحه.. اه
بس عارفه لو لاقيت الروح اللى كانت موجوده فى الاجتماع اللى قبله كنت هبقى فرحانه اكتر بكتير
said:
said:
said:
said:
said:
said:
said:
said:
من مصر